يقولون العقار هو ( الخوي اللي ما يخون ) ، اليوم جبت لك عقار تحطه على يمناك ..! فيلا مطنوخة على شارعين جنوبية شرقية مساحتها 200 م .. خمس غرف نوم .. دورين ونص . مصعد راكب وضمانات توصل 25 سنة . بأرقى وأغلا أحياء الرياض . " الملقا " سعرها 4مليون و400 ألف . لكن أنت جاد وصامل وعربونك بجيبك أبشر بسعدك .. حقك علينا نتفاوض وما لك إلا طيبة الخاطر ! وتراهم يقولون ليس من سمع كمن رأى ، الفيلا مفتوحة وحياكم الله بأي وقت . أي استفسار يا هلا ومسهلا ..

يقولون ( جاك يا مهنا ما تمنى ) ودك بشقة وفي نفس الوقت تبغى خصوصية وهدوء ..! طيب .. ودك بشقة بس تحب النفاه والسعة وتبغى مكان مفتوح .! طيب .. ودك بشقة بس تبي ترتاح بنومتك بعيد عن الصجة واللجة ! جبنا لك .. طيرة شلوى . شقة فيها كل هالمميزات وأكثر . مساحتها العلوية 178 م تشمل غرفة نوم بحمامها وصالة واسعة ومطبخ وسطح شرح جدا تنزل بالدرج للدور السفلي مساحته 65 م حيث تنعم بالهدوء غرفتين نوم بملحقاتهم ومساحة تخزينية . المساحة الكلية للشقة 243 الدور ما فيه إلا شقتك يعني تطلع من المصعد لشقتك .. خصووووصية . الخبر الحلو أنت يا المشتري ما عليك سعي " وين تلقاها ذي ؟" الخبر الاحلى إن الشقة حاصلة على شهادة البناء المستدام في الجودة . أما الخبر الأحلى من كل هذولا فإن السعر قابل للتفاوض ! الله يبارك للبايع والمشترى ويكتب لهم الخير .